काभा पुरुष भलिबल च्याम्पियनसिप : विश्व वरियतामा प्रवेश, तर पदक सपना अधुरै

११ साउन, काठमाडौं । काभा पुरुष भलिबल च्याम्पियनसिप खेल्न पाकिस्तानको इस्लामावाद प्रस्थान गर्दा नेपालको लक्ष्य स्पष्ट थियो- एफआईभीबीको विश्व वरियतामा समावेश हुने र करिब एक दशकपछि सिनियर पुरुष टोलीका लागि पदक जित्ने ।

विश्व वरियता मान्यता प्राप्त प्रतियोगिता भएकाले नेपाल पहिलो खेल खेलेसँगै नेपाल विश्व वरियतामा समावेश भयो । तर दोस्रो लक्ष्य भने पूरा हुन सकेन ।