ओली–प्रचण्डबिच सत्ता भागबण्डाको तीन बुँदे सहमतिले एमाले र नेकपामा बढ्यो असन्तुष्टि

काठमाडौँ । नेकपा एमाले र नेपाली कम्युनिस्ट पार्टी (नेकपा)बिच भएको तीन बुँदे सहमतिलाई लिएर दुवै पार्टीमा असन्तुष्टि बढेको छ । विगतका कमी–कमजोरीको गम्भीर समीक्षा नगरी एमालेका अध्यक्ष केपी शर्मा ओली र नेकपाका संयोजक पुष्पकमल दाहाल ‘प्रचण्ड’ले सत्ता स्वार्थ केन्द्रित सहमति गरेको भन्दै दुवै पार्टीमा असन्तुष्टि बढेको देखिन्छ ।

एमाले र नेपाली कांग्रेसबिच ०८१ असारमा भएको ७ बुँदे सहमति भत्किएपछि वामपन्थी गठबन्धन बनाउन ओली र प्रचण्ड निरन्तर छलफलमा थिए । छलफललाई निष्कर्षमा पुर्‍याउन दुवै पार्टीले कार्यदल स्तरमा निरन्तर संवाद गरेका थिए ।