चिःबहालस्थित घरटहरा हटाउने महानगरको निर्णयमाथि उच्च अदालतको रोक

काठमाडौं । ठमेलको चिःबहालस्थित घरटहरा हटाउने काठमाडौं महानगरपालिकाको निर्णय कार्यान्वयन रोक्न उच्च अदालत पाटनले अल्पकालीन अन्तरिम आदेश दिएको छ । उच्च अदालतका न्यायाधीश चन्द्रबहादुर सारुको इजलासले यस्तो आदेश जारी गरेको हो । यही साउन ५ गते महानगरले गरेको पत्राचारको तत्काल कार्यान्वयन नगरी यथास्थितिमा राख्न उच्च अदालतबाट आदेश भएको छ ।

काठमाडौं महानगरपालिका–२९, ठमेलस्थित बज्रधातु चैत्य रहेको सार्वजनिक जग्गा व्यक्तिका नाममा दर्ता भएको दाबीसहित स्थानीयले दिएको ‘निर्णय दर्ता बदर र सार्वजनिक कायम’सम्बन्धी अर्को मुद्दा काठमाडौं जिल्ला अदालतमा विचाराधीन छ ।