रहेनन् पत्रकार ज्ञवाली

काठमाडौँ। प्रेस स्वतन्त्रता सेनानी एवं वरिष्ठ पत्रकार अर्जुन ज्ञवालीको पशुपति आर्यघाटमा दाहसंस्कार गरिएको छ। रूपन्देहीलाई कर्मथलो बनाएर पत्रकारिता गर्दै आएका अग्रज पत्रकार ज्ञवालीको उपचारका क्रममा गएराति काठमाडौँमा निधन भएको छोरा सागर ज्ञवालीले जानकारी दिए।

रुपन्देही शंकरनगरका स्थायी बासिन्दा ८० वर्षीय पत्रकार ज्ञवाली पछिल्लो समय मुटु र फोक्सोमा समस्या देखिएपछि उपचारका लागि बीएन्डबी अस्पतालमा भर्ना भएका थिए। लामो समयसम्म शिक्षण पेसामा पनि आबद्ध ज्ञवालीले २०२४ सालदेखि पत्रकारिता यात्रा आरम्भ गरेका थिए।