मोरङमा बालिकामाथि जबरजस्ती करणी गरेको आरोपमा ५ जना पक्राउ

सुन्दरहरैचा(मोरङ) । मोरङ प्रहरीले एक बालिकामाथि जबरजस्ती करणी तथा सामूहिक जबरजस्ती करणी गरेको आरोपमा पाँच जनालाई पक्राउ गरेको छ। घटनामा संलग्न रहेको आरोपमा पक्राउ परेका पाँचै जनाविरुद्ध जबरजस्ती करणी सम्बन्धी कसुरमा अनुसन्धान अघि बढाइएको प्रहरीले जनाएको छ।

जिल्ला प्रहरी कार्यालय मोरङका अनुसार साउन ३ गते बिहान करिब १० बजे सुनवर्षी नगरपालिका–५ की एक बालिकालाई रंगेली नगरपालिका–३ का १८ वर्षीय मोहम्मद असमानले विभिन्न प्रलोभनमा पारी रंगेली नगरपालिका–७ स्थित युमी क्याफेमा लगेर जबरजस्ती करणी गरेका थिए। त्यसपछि सोही क्याफेका सञ्चालक सुनवर्षी नगरपालिका–९ का २१ वर्षीय सुमन कुमार साह समेत घटनामा संलग्न रहेको आरोप छ।