‘खुसीको देश’ भुटानमा भित्रिँदै छ दु:ख

‘विश्वकै सबैभन्दा खुसी देश’ भनेर चिनिने भुटान पछिल्ला वर्षहरूमा जन्मदरमा आएको तीव्र गिरावट र युवाहरूको विदेश पलायनको समस्यासँग जुधिरहेको छ। सरकारले अब नागरिकलाई बढी सन्तान जन्माउन प्रोत्साहन गर्ने नीति अघि सारेको छ।

करिब आठ लाख जनसंख्या रहेको भुटानले आर्थिक वृद्धिको मापनका लागि जीडीपीभन्दा भिन्न कुल राष्ट्रिय खुसी सूचकांकलाई राष्ट्रिय प्रगतिको आधार बनाउँदै आएको छ।