माइतीघर डुबान रोक्न महानगरले थाल्यो ढल सफाइ, प्रतिवेदन अनुसार दीर्घकालीन काम अघि बढाइने

वर्षा हुनासाथ काठमाडौंको माइतीघर मण्डल क्षेत्र जलमग्न हुने समस्या समाधानका लागि काठमाडौं महानगरपालिकाले तत्काल र दीर्घकालीन कार्यान्वयनको तयारी सुरू गरेको छ।

प्राविधिक समितिले बुझाएको प्रतिवेदनका आधारमा महानगरले तत्कालका लागि ढल सफाइको काम अघि बढाएको छ भने दीर्घकालीन समाधानका लागि अन्य साझेदार निकायहरूसँग छलफलको तयारी गरेको छ।