‘काला हिरण’ फिल्मको टिजर हटाउन दिल्ली उच्च अदालतको आदेश

बलिउड अभिनेता सलमान खानसँग जोडिएको भनिएको फिल्म ‘काला हिरणः द ब्याटल फर लिगेसी’ को टिजर सामाजिक सञ्जालबाट हटाउन दिल्ली उच्च अदालतले आदेश दिएको छ। खानले फिल्मको टिजरले आफ्नो छवि र व्यक्तित्व अधिकारमा असर पुर्‍याएको दाबी गर्दै दायर गरेको निवेदनमाथि सुनुवाइ गर्दै अदालतले यस्तो आदेश दिएको हो।

अदालतले एक्स (ट्विटर) र युट्युबलगायत सामाजिक सञ्जालमा उपलब्ध टिजर तथा त्यससँग सम्बन्धित सामग्री हटाउन निर्देशन दिएको छ। सुनुवाइका क्रममा अदालतले फिल्मका निर्माता अमित जानीको कार्यशैलीप्रति असन्तुष्टि व्यक्त गर्दै कानुनभन्दा माथि रहेजस्तो व्यवहार नगर्न चेतावनीसमेत दिएको छ।