नेपालबाटै विश्व बजारका उत्पादन मगाउन मिल्ने ईकमर्स ‘जिट्रेडिया’ सार्वजनिक

काठमाडौं । नेपाली ग्राहक र व्यवसायीहरूलाई विश्वभरका लाखौँ उत्पादनहरूमा प्रत्यक्ष पहुँच पुर्‍याउने लक्ष्यका साथ नयाँ ईकमर्स प्लेटफर्म ‘जिट्रेडिया’ (gtradea.com) सञ्चालनमा आएको छ । ‘बियोन्ड बोर्डर्स’ अर्थात् सीमाभन्दा बाहिर भन्ने मुख्य नारा बोकेको यो प्लेटफर्मले नेपाली उपभोक्तालाई सिधै अन्तर्राष्ट्रिय आपूर्ति शृङ्खलासँग जोड्ने सुविधा प्रस्तुत गरेको छ ।

‘जिट्रेडिया’ मार्फत नेपालीहरूले विश्व बजारमा उपलब्ध सामग्रीहरू घरमै बसेर सजिलै खरिद गर्न सक्ने कम्पनीको दाबी छ । कम्पनीले गुणस्तरीय सामानहरूलाई प्रतिस्पर्धी र किफायती मूल्यमा उपलब्ध गराउँदै अनलाइन किनमेललाई थप व्यवस्थित र भरपर्दो बनाउने उद्देश्य राखेको छ ।