फिल्म ‘ककाकिकी’ को निर्धारित प्रदर्शन स्थगित गर्ने निर्णय

काठमाडौं । भोटेकोशी बाढीपछिको असहज स्थितीलाई कारण देखाउँदै फिल्म ‘ककाकिकी’ले पूर्वनिर्धारित प्रदर्शन स्थगित गर्ने निर्णय गरेको छ । निर्माता कम्पनी माया इन्टरटेनमेन्ट स्टुडियोले वक्तव्य जारी गर्दै फिल्म १९ भदौमा रिलिज नहुने जनाएको हो ।

विज्ञप्तिमा भनिएको छ, ‘दुःखको यस्तो अवस्थामा हाँस्ने, हँसाउने लगायतका मनोरञ्जनका कुनै पनि कार्यक्रम गर्ने कल्पनासम्म पनि गर्न हामीले सकेनौं र सोही कारण आउँदो भदौ १९ मा रिलिज हुने हाम्रो चलचित्रको रिलिज तथा सम्पूर्ण प्रचारप्रसारका गतिविधि तत्कालका लागि स्थगन गर्ने निर्णय गरेका छौं ।’