रसुवा बाढीमा सम्पर्कविहीन कर्णालीका २६७ मध्ये ७० सम्पर्कमा, १९७ अझै अज्ञात

सुर्खेत । रसुवाको भोटेकोशी बाढीमा परी सम्पर्कविहीन भएका कर्णाली प्रदेशका २६७ जनामध्ये ७० जना सम्पर्कमा आएका छन् । अझै १९७ जना सम्पर्कविहीन रहेको प्रदेश प्रहरी कार्यालयले जनाएको छ ।

प्रदेश प्रहरी कार्यालयका प्रवक्ता प्रहरी वरिष्ठ उपरीक्षक सन्तोषसिंह राठौरका अनुसार सम्पर्कविहीन हुनेमा १६३ पुरुष, २७ महिला, चार बालक र तीन बालिका छन् ।