‘पेन्सन पट्टा’ बेलायत र हङकङमा पनि रिलिज हुने

काठमाडौँ । अभिनेता माओत्से गुरुङको निर्देशन रहेको फिल्म ‘पेन्सन पट्टा’ बेलायत र हङकङमा पनि रिलिज हुने भएको छ । फिल्म बेलायतका लागि सपन इन्टरटेन्टमेन्ट लिमिटेड र हङकङमा मेन ड्रागन लिमिटेडले प्रदर्शन अधिकार लिएको निर्माण युनिटले जनाएको छ ।

नेपालमा आगामी भदौ २६ गते हरितालिका तीजको अवसरमा रिलिज हुन लागेको फिल्म बेलायत र हङकङको प्रदर्शन मिति भने फिक्स भएको छैन । फिल्मका लेखक समेत रहेका निर्देशक गुरुङले फिल्मको माग अन्य देशका लागि पनि आएको बताए ।