असारको विद्युत् महसुलमा तिरेको भ्याट भदौको बिलमा समायोजन हुने

काठमाडौँ । नेपाल विद्युत् प्राधिकरणले २०८३ साल असार महिनामा खपत भएको विद्युत्को महसुलमा लिइएको मूल्य अभिवृद्धि कर (भ्याट) आगामी भदौ महिनाको बिलमा समायोजन गर्ने भएको छ।

आर्थिक ऐन २०८३ ले गरेको व्यवस्था अनुसार साउन १ गतेदेखि विद्युत् सेवामा भ्याट लागू भएको थियो। सोही अनुसार प्राधिकरणले साउनमा जारी गरेका बिलहरूमा भ्याट समावेश गरेको थियो। तर, असार महिनामा खपत भएको विद्युत्को बिल साउनमा काटिँदा भ्याट लाग्ने कि नलाग्ने भन्ने विषयमा अन्योल सिर्जना भएको थियो।