सीजी मेरिडियाको नयाँ ‘वासर ड्रायर’ सार्वजनिक

काठमाडौँ। वर्षायाम सुरु भएसँगै लगातारको वर्षा र घाम नलाग्ने अवस्थाले लुगा धुने र सुकाउने काम चुनौतीपूर्ण बन्दै गएको छ। यस्तै समस्यालाई मध्यनजर गर्दै सीजीको प्रिमियम ब्रान्ड ‘सिजी मेरिडिया’ ले अत्याधुनिक प्रविधिसहितको नयाँ ‘फ्रन्ट लोड वासर ड्रायर’ नेपाली बजारमा सार्वजनिक गरेको छ।

कम्पनीका अनुसार सीजीएमडब्ल्यू१०७डीडी मोडेलको मेसिनले लुगा धुने र सुकाउने दुवै काम एउटै उपकरणबाट गर्ने सुविधा प्रदान गर्दछ। १० केजी धुने र सात केजी सुकाउने क्षमता रहेको यस उपकरणमा डाइरेक्ट ड्राइभ (डीडी) मोटर प्रयोग गरिएको छ। जसले आवाज र कम्पन कम गर्नुका साथै ऊर्जा बचतमा समेत सहयोग पुर्‍याउने बताइएको छ। मोटरमा कम्पनीले १० वर्षको वारेन्टी दिएको छ।