टिचिङको शवगृहबाहिर फोटो खोज्दै परिवार र आफन्त, ‘शव नभेटिँदासम्म आस मरेको छैन’ (तस्बिरहरू)

काठमाडौँ । त्रिवि शिक्षण अस्पताल (टिचिङ) को शवगृहबाहिरको भित्तामा यतिबेला दुईथरी फोटो टाँसिएका छन्–भेटिएका शवका र बेपत्ता भएका व्यक्तिका।

भोटेकोशी बाढीपछि बेपत्ता आफन्तको खोजीमा आएका मानिसहरू ती फोटो एक–एक गरी नियाल्छन्। कुनै फोटोमा आफ्ना आफन्तको अनुहार भेटिन्छ कि भन्ने आशामा उनीहरू घण्टौँसम्म शवगृहबाहिर बसिरहेका देखिन्छन्।