रसुवागढीमाथि बन्यो ०.११ वर्गकिमीको ताल, जुनसुकै बेला फुट्न सक्ने

रसुवागढी नाकाभन्दा करिब १८ किलोमिटर माथिल्लो तटीय क्षेत्रमा ल्हेन्दे खोलाको बहाव थुनिएर ०.११ वर्गकिलोमिटर क्षेत्रफलको नयाँ ताल बनेको स्याटेलाइट तस्बिरले पुष्टि गरेको छ।

उक्त तालको प्राकृतिक बाँध फुटेर तल्लो तटीय क्षेत्रमा फेरि ठूलो बाढी आउन सक्ने भन्दै राष्ट्रिय विपद् जोखिम न्यूनीकरण तथा व्यवस्थापन प्राधिकरणले उच्च सतर्कताको चेतावनी दिएको छ।