धुन्चे पुग्न एक मात्रै पक्की पुल, बाटोमा सवारीको चाप (तस्वीरहरू)

१४ भदौ, रसुवा । गतबुधबार भोटेकोशीमा आएको बाढी कारण रसुवा जोड्ने मुख्य सडक बगाउँदा अहिले रसुवा सदरमुकाम पुग्न निकै कठिन भएको छ ।

काठमाडौंबाट टोखा–छहरे–गड्खार पुल–आप्र–नर्जा–लच्याङ–सरमथली–पाटीखर्क–बोगटीटार–कालिकास्थान हुँदै धुन्चे पुग्ने वैकल्पिक बाटो खोलिएको छ । बाढीले मितेरीपुल यता रसुवाभित्र मात्र १३ वटा पुल पूर्ण रुपमा बगाएको छ । नुवाकोट र रसुवाको सिमानाका दुई पुल समेत बगेसँगै यो जिल्ला सडक सञ्जालबाट विच्छेद भएको थियो ।