सर्वोच्चलाई प्रधानमन्त्री शाहको जवाफ, महान्यायाधिवक्ता नियुक्ति गर्ने प्रधानमन्त्री विशेषाधिकार हो

काठमाडौं । अधिवक्ताहरू शिवराज बराल, माधव बस्नेत र दीपकराज जोशी लगायतले महान्यायाधिवक्ता नारायणदत्त कँडेलको नियुक्ति असंवैधानिक भएको जिकिर गर्दै दर्ता गरेको रिटमा सरकारको तर्फबाट प्रतिरक्षा गर्दै महान्यायाधिवक्ता नियुक्ति प्रधानमन्त्रीको विशेषाधिकार भएको प्रधानमन्त्री बालेन्द्र शाहले सर्वोच्च अदालतलाई जवाफ दिएका छन् ।

सरकारको तर्फबाट प्रतिरक्षा गर्ने संवैधानिक दायित्व बोकेको पदाधिकारी (महान्यायाधिवक्ता) लाई कार्य सम्पादनमा रोक लगाउँदा न्याय प्रशासन नै ठप्प हुने दाबीसहित प्रधानमन्त्री शाहले सर्वोच्च अदालतलाई जवाफ दिएका छन् । सरकारका सल्लाहकार छनोट गर्ने कार्यकारी अधिकार प्रधानमन्त्रीमा निहीत रहने तर्क प्रधानमन्त्री शाहको छ ।