बजेट कार्यान्वयन र अर्थतन्त्र चलायमान बनाउन सरकार-निजी क्षेत्र संवाद तीव्र, तीन दर्जन उद्योगपतिसँग अर्थमन्त्रीको छलफल

काठमाडौं । अर्थमन्त्री डा. स्वर्णिम वाग्लेले चालु आर्थिक वर्षको बजेट प्रभावकारी कार्यान्वयनका विषयमा आज उत्पादनमूलक क्षेत्रका करिब तीन दर्जन उद्योगपतिसँग विशेष छलफल गर्ने भएका छन्।

अर्थ मन्त्रालयमा आज अपराह्न ३ बजेदेखि हुने ‘बजेट कार्यान्वयन विशेष छलफल कार्यक्रम’ मा अर्थमन्त्री वाग्ले, अर्थसचिव डा. घनश्याम उपाध्याय, उद्योग, वाणिज्य तथा आपूर्ति सचिव नारायणप्रसाद दवाडीसहित मन्त्रालयका सम्बन्धित महाशाखा तथा विभागका उच्च अधिकारी सहभागी हुनेछन्।