फ्रान्सको डढेलो बोर्डो सहरबाट केवल १५ किमि जतिको दूरीमा

फ्रान्सका विभिन्न स्थानमा फैलिएका डढेलोमध्ये एउटा अहिले दक्षिणपश्चिमी सहर बोर्डोबाट केवल १५ किमि जतिको दूरीमा आइपुगेपछि बोर्डोका मेयरले आफूहरू "सबै सम्भावित अवस्थाका लागि" तयार रहेको बताएका छन्।

"थप स्थानहरू खाली गराउने आदेश जारी भएमा ठूलो सङ्ख्यामा मानिसलाई आश्रय दिन सक्ने गरी तयारी गरिरहेका छौँ," मेयर थोमा काज्नभले भने।