फ्रान्सको बोर्दाे सहरनजिकै पुग्यो डढेलो

पेरिस । फ्रान्सको दक्षिणपश्चिमी सहर बोर्दो नजिक फैलिएको भीषण डढेलो सहरबाट करिब १५ किलोमिटर नजिक आएपछि स्थानीय प्रशासनले उच्च सतर्कता अपनाएको छ । बोर्दोेका मेयर थोमस काजेनाभले थप स्थान खाली गराउनुपर्ने अवस्था आए ठुलो सङ्ख्यामा मानिसलाई सुरक्षित स्थानमा राख्ने तयारी भइरहेको बताएका छन् ।

फ्रान्सका राष्ट्रपति इमानुएल माक्रोँले गिरोन्द क्षेत्रमा डढेलो प्रभावित क्षेत्रको निरीक्षण गर्दै देशले दोस्रो विश्वयुद्धयताकै सबैभन्दा कठिन र अभूतपूर्व डढेलोको सामना गरिरहेको बताएका छन् । स्पेनमा पनि राजधानी म्याड्रिडको पश्चिम क्षेत्रमा डढेलो नियन्त्रणबाहिर रहेकाले दुवै देशमा ठुलो सङ्ख्यामा मानिस विस्थापित भएका छन् । फ्रान्समा हालसम्म करिब २ लाख २० हजार र स्पेनमा १ लाखभन्दा बढी मानिसलाई सुरक्षित स्थानमा सारिएको छ ।