Israel and Lebanon Officials to Meet in Rome for Peace Talks

तेल अभिभ । इजरायल र लेबनानका अधिकारीहरू आगामी साता इटालीको राजधानी रोममा भेटवार्ता गर्ने भएका छन् । अमेरिकी मध्यस्थतामा भएको सम्झौताको कार्यान्वयनलाई अघि बढाउँदै दुवै देशबिच दीर्घकालीन शान्ति स्थापना गर्ने उद्देश्यले वार्ता हुन लागेको हो । अमेरिकी विदेश मन्त्रालयका एक अधिकारीका अनुसार अमेरिकी नेतृत्वमा हुने प्राविधिक वार्ता अगस्ट ४ देखि ६ सम्म रोममा आयोजना हुनेछ ।

यो वार्ता दक्षिणी लेबनानका प्रारम्भिक परीक्षण क्षेत्रहरूमा कार्यान्वयन सुरु भएपछि हुन लागेको हो । इजरायली सेनाले गत साता ती क्षेत्रहरूको सुरक्षा नियन्त्रण लेबनानी सशस्त्र बललाई हस्तान्तरण गरेको जनाएको थियो । साथै, अमेरिकी राष्ट्रपति डोनाल्ड ट्रम्प र लेबनानका राष्ट्रपति जोसेफ आउनबीच गत साता भएको भेटवार्तापछि यो संवाद हुन लागेको हो ।