युनलाई जेल सजायसँगै निर्वाचन बदर हुने जोखिम

काठमाडौँ । दक्षिण कोरियाका पूर्वराष्ट्रपति युन सुक-योललाई राष्ट्रपतीय निर्वाचन अभियानका क्रममा झूटो विवरण दिएको अभियोगमा अदालतले दोषी ठहर गर्दै डेढ वर्षको कैद सजाय सुनाएको छ। अदालतले उक्त सजाय तीन वर्षका लागि निलम्बन गरेको छ।

सियोल केन्द्रीय जिल्ला अदालतले सोमबार दिएको फैसलामा युनले सन् २०२२ को राष्ट्रपतीय निर्वाचन अभियानका क्रममा सार्वजनिक पदाधिकारी निर्वाचन ऐन उल्लंघन गर्दै मतदातालाई गलत सूचना दिएको निष्कर्ष निकालेको हो। यससँगै उनको निर्वाचनको कानूनी वैधतामाथि समेत प्रश्न उठ्ने अवस्था सिर्जना भएको छ।