इन्फान्टिनोको आरोप : आलोचना गर्नेले घृणा फैलाए

जुरिच । विश्व फुटबलको सर्वोच्च संस्था फिफाका अध्यक्ष जियानी इन्फान्टिनोले विश्वकप २०२६ को आलोचना गर्नेप्रति कडा प्रहार गर्दै उनीहरूले झूटो अफवाहसँगै घृणा फैलाएको आरोप लगाएका छन्। उनले प्रतियोगिता सफल रहेको दाबी गर्दै यो एकता, सुरक्षा र समावेशिताको उत्सवमा परिणत भएको पनि बताए।

उनले फिफाको आधिकारिक सामाजिक सञ्जालमा सोमबार एक खुलापत्र लेखेका हुन्। यसक्रममा ५६ वर्षीय इन्फान्टिनोले विश्वका लाखौं प्रशंसकले अनुभव गरेको खुसी र भाइचारालाई आलोचकले बेवास्ता गरेको पनि आरोप लगाए।