वार्ता असफल भए इरानमाथि कडा आक्रमण गर्ने ट्रम्पको धम्की

काठमाडौँ । अमेरिकी राष्ट्रपति डोनाल्ड ट्रम्पले इरानसँग जारी वार्ता असफल भए कडा सैन्य कारबाहीमा फर्किने चेतावनी दिएका छन्। उनले हाललाई कूटनीतिक प्रयासलाई प्राथमिकता दिँदै सैन्य आक्रमण स्थगित गरिएको बताए।

अमेरिकी समाचार पोर्टल एक्सियोसलाई दिएको अन्तर्वार्तामा ट्रम्पले इरानसँग गम्भीर वार्ता भइरहेको उल्लेख गर्दै सकारात्मक नतिजा नआए पुनः सैन्य कारबाही शुरू हुने स्पष्ट पारे। उनले वार्ताका लागि धेरै समय नरहेको भन्दै प्रक्रिया छिट्टै निष्कर्षमा पुग्ने वा असफल हुने बताए।