नेपाल स्टक एक्सचेन्जको प्रमुख कार्यकारी अधिकृतका लागि आवेदन खुल्यो 

काठमाडौं । नेपाल स्टक एक्सचेन्ज लिमिटेड (नेप्से) को रिक्त रहेको प्रमुख कार्यकारी अधिकृत पदको पदपूर्तिका लागि आवेदन माग गरिएको छ । नेप्सेको प्रमुख कार्यकारी अधिकृत पदमा नियुक्तिका लागि सिफारिस गर्न गठित छनोट तथा सिफारिस समितिले सूचना जारी गर्दै आवेदन माग गरेको हो ।

सिफारिस समितिका अनुसार इच्छुक र योग्य उम्मेदवारले सूचना प्रकाशित भएको मितिले १५ दिनभित्र अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा सिंहदरबारमा आवेदन दर्ता गराउनुपर्नेछ ।