नेपालगन्ज–दिल्ली उडानको मुद्दा ओझेलमा

नेपालगन्ज–दिल्ली सिधा हवाई उडानको मुद्दा ओझेलमा परेको छ। नेपालगन्ज–दिल्ली उडानको मुद्दालाई नागरिक स्तरबाट लामो समयदेखि उठ्दै आएको थियो। नेपालगन्जस्थित नागरिक अगुवा, राजनीतिक दल, उद्योगी, व्यवसायी, जनप्रतिनिधिलगायतले नेपाल सरकारका विभिन्न निकाय, भारतीय दूतावासमा डेलिगेसन गरेर दबाब स्वरूप पटक–पटक ध्यानार्कषण गराइसकेका छन्।

दुई देशबिच कूटनीतिक रूपमा निर्णय गरेर नेपालगन्ज–दिल्ली उडानको विषय टुंग्याउनुपर्ने यहाँका नागरिकको माग छ। पछिल्लो समय नेपालगन्ज विमानस्थलमा अन्तर्राष्ट्रिय मापदण्ड अनुसारको टर्मिनल भवन निर्माण भएर सञ्चालनमा आएसँगै नेपालगन्ज–दिल्ली हवाई उडानको मुद्दालाई सहज बनाएको छ तर सरकारको प्राथमिकतामै परेको छैन।