मोदीले जेनजीलाई सम्बोधन गरेको भिडियो फेसबुकले ब्लक गरेपछि...

नयाँ दिल्ली । भारती प्रधानमन्त्री नरेन्द्र मोदीले जेनजीलाई सम्बोधन गरेको फेसबुक भिडियो भारतमा केही घण्टासम्म हेर्न नमिल्ने भएपछि विवाद उत्पन्न भएको छ ।

फेसबुकको माउ कम्पनी मेटाले प्राविधिक त्रुटिका कारण यो समस्या भएको स्वीकार गर्दै माफी मागेको छ । सुरुमा उक्त भिडियोमा ‘कानुनी अनुरोधका कारण यो सामग्री तपाईंको क्षेत्रमा उपलब्ध छैन’ भन्ने सन्देश देखिएको थियो । यसले भिडियो कुनै सरकारी आदेश वा कानुनी निर्देशनका आधारमा रोकिएको हो कि भन्ने आशंका उत्पन्न गरेको थियो । तर केही घण्टापछि भिडियो पुनः सामान्य रूपमा उपलब्ध गराइयो ।