मोदीको फेसबुक भिडियो किन अचानक गायब भयो? मेटाले दियो यस्तो स्पष्टीकरण

नयाँ दिल्ली । भारतीय प्रधानमन्त्री नरेन्द्र मोदीले जेनजी (Gen Z) लाई सम्बोधन गरेको भिडियो फेसबुकमा भारतका केही प्रयोगकर्ताका लागि केही घण्टासम्म हेर्न नमिल्दा विवाद उत्पन्न भएको छ। घटनापछि फेसबुकको मातृकम्पनी मेटाले प्राविधिक त्रुटिका कारण यस्तो समस्या भएको स्वीकार गर्दै माफी मागेको छ।

सुरुमा भिडियो खोल्न खोज्दा ‘कानुनी अनुरोधका कारण यो सामग्री तपाईंको क्षेत्रमा उपलब्ध छैन’ भन्ने सन्देश देखिएको थियो। यसका कारण भिडियो सरकारी आदेश वा कानुनी निर्देशनका आधारमा रोकिएको हो कि भन्ने आशंका गरिएको थियो। तर केही घण्टापछि भिडियो पुनः सामान्य रूपमा उपलब्ध गराइएको थियो।