इरान युद्धमा अमेरिकी जनसमर्थन घट्यो, अधिकांश भन्छन् ट्रम्पको उद्देश्य अस्पष्ट

वासिङ्टन डीसी । अमेरिकी नागरिकबिच इरान युद्धप्रतिको जनसमर्थन घटेको छ । रोयटर्स र इप्सोसले गरेको सर्वेक्षणमा इरानविरुद्ध जारी युद्धप्रति अमेरिकी नागरिकको समर्थन निरन्तर घटिरहेको देखिएको छ । सर्वेक्षणअनुसार अहिले केवल करिब एक तिहाइ अमेरिकीले मात्र इरानसँग जारी युद्धलाई समर्थन गरेका छन् ।

राष्ट्रपति डोनाल्ड ट्रम्पले अमेरिकी सैन्य संलग्नताको उद्देश्य स्पष्ट रूपमा व्याख्या गर्न नसकेको अधिकांश नागरिकले बताएका छन् । शुक्रबारदेखि आइतबारसम्म सञ्चालन गरिएको सर्वेक्षणमा सहभागीमध्ये करिब ३३ प्रतिशतले मात्र युद्धलाई समर्थन गरेका छन् । यो पाँच महिनाअघि सुरु भएको युद्धयताकै सबैभन्दा कम समर्थन भएको तथ्यांक हो ।