वरिष्ठ कलाकार शान्ति रानालाई आर्थिक सहयोग प्रदान

काठमाडौं । वरिष्ठ कलाकार शान्ति रानालाई जीविकोपार्जन र औषधोपचारको लागि राहत रकम प्रदान गरिएको छ । चलचित्र विकास बोर्डका सदस्य सन्तोष लोहनीले चलचित्र कलाकार संघका अध्यक्ष उत्तम केसीमार्फत रानालाई १७ हजार ५०० रुपैयाँ राहत रकम प्रदान गरेका हुन् ।

बोर्ड अध्यक्ष दिनेश डीसीको बिदाइ कार्यक्रममा लोहनीले उक्त रकम हस्तान्तरण गरेका थिए । साउन महिनामा गरिएका १० चलचित्र जाँचपासबाट प्राप्त पारिश्रमिक बापतको रकम कलाकार रानालाई प्रदान गरेको लोहनीले बताए ।