‘चोरचोर’ भन्दै कुटपिट गर्नेविरुद्ध अशोक दर्जीले दिए उजुरी, उजुरीपछि फरार छन् आरोपित

काठमाडौँ- केही दिनयता बाल कलाकार अशोक दर्जीमाथि कुटपिट भएको घटनाको विषय चर्चामा छ। दर्जीले कुटाइ खाएको भिडियो सार्वजनिक भएपछि यो विषय चर्चामा आएको हो। यस घटनाबारे अनुशन्धान गर्न दर्जीले उजुरी समेत दिएका छन्। उनी निकट रहेकी अभिनेत्री निता ढुङ्गानाका अनुसार दर्जीलाई चरित्रहत्या गर्ने र धम्की दिएको आरोप लागेका व्यक्तिहरू फरार रहेको तथा उनीहरूको खोजी भइरहेको छ।

ढुंगानाले इलाका प्रहरी कार्यालय बिर्तामोडले घटनामा संलग्न भनिएका व्यक्तिहरू सम्पर्कविहीन रहेको र खोजीकार्य जारी रहेको जानकारी दिएको उल्लेख गरेकी छन्। गत असार २२ गते उनले इलाका प्रहरी कार्यालय बिर्तामोडमा उजुरी दिएका थिए।