सांसदलाई मेयरले भने– जनतालाई भ्रमित र उत्तेजित नबनाउनोस्

काठमाडौं । कास्कीको पोखरा बसपार्कस्थित सुकुम्वासीका विषयमा महानगरपालिकाका मेयर धनराज आचार्य र सांसद उत्तमप्रसाद पौडेलबीच जुहारी चलेको छ । जनताका गुनासा सुन्ने कार्यक्रमअन्तर्गत सोमबार (साउन ११) सांसद पौडेलले पृथ्वीचोकस्थित पोखरा बसपार्कका सुकुम्वासीसँग अन्तरक्रिया गरेका थिए । पौडेल कास्की–२ बाट निर्वाचित सांसद हुन् ।

उक्त अन्तरक्रियामा उनले ‘अर्कोपटक आउँदा लालपुर्जा लिएर आउने र घरघरमा वितरण गर्ने’ बताएका थिए । “भूमिहीन दलित, अव्यवस्थित र सुकुम्वासी बस्ती–यी तीनैलाई एकैपटक लालपुर्जा बाँड्ने हो । हाम्रै सरकारको पालामा बाँड्ने हो, अब केही महिनाभित्र बाँड्ने हो,” उनले भनेका थिए ।