नेपाल टेलिकमको मनसुन अफर सार्वजनिक, नयाँ डाटा र पोस्टपेड प्याकेज थप

काठमाडौँ- नेपाल टेलिकमले ‘मनसुन अफर २०८३’ सार्वजनिक गर्दै पोस्टपेड र प्रिपेड मोबाइल प्रयोगकर्ताका लागि नयाँ आकर्षक प्याकेज तथा थप सुविधासहितका सेवा सञ्चालनमा ल्याएको छ। कम्पनीका अनुसार अफर सोमबार (साउन १२) देखि लागू भएको हो।

टेलिकमले पोस्टपेड ग्राहकका लागि ३७३ रुपैयाँ र ४९९ रुपैयाँका नयाँ प्याकेज ल्याएको छ। ३७३ रुपैयाँको प्याकमा ३० दिनका लागि ६ जीबी डाटा, ४०० मिनेट अल-नेट भ्वाइस कल र ५० एसएमएस उपलब्ध हुनेछ भने ४९९ रुपैयाँको प्याकमा १० जीबी डाटा, ५०० मिनेट अल-नेट भ्वाइस कल र १०० एसएमएसको सुविधा दिइनेछ।