राजीव खत्रीको प्रश्न – विदेशमा रहेका नेपालीलाई आगामी स्थानीय चुनावमै मताधिकार दिन सकिन्छ ?

काठमाडौँ । राष्ट्रिय स्वतन्त्र पार्टी (रास्वपा) का सांसद राजीव खत्रीले विदेशमा रहेका नेपाली नागरिकहरूलाई आगामी प्रदेश सभा र स्थानीय तहको निर्वाचनमै मतदानको व्यवस्था मिलाउन सकिने सम्भावनाबारे चासो व्यक्त गरेका छन् ।

मंगलबार प्रस्तावित निर्वाचन आयुक्त गुरुप्रसाद वाग्लेको संसदीय सुनुवाइका क्रममा बोल्दै सांसद खत्रीले निर्वाचन सुधारका दुई महत्वपूर्ण एजेन्डा— विदेशमा मतदान र राइट टु रिकलका बारेमा प्रश्न उठाए ।