सुर्खेतमा मुस्ताङ जिप दुर्घटना, ४ जनाको अवस्था गम्भीर

सुर्खेतको लेकबेशी नगरपालिका ५ र ६ को सिमाना हलकन्डरा क्षेत्रमा मंगलबार बिहान यात्रुबाहक मुस्ताङ जिप दुर्घटना हुँदा १२ जना घाइते भएका छन्।

घाइतेमध्ये ४ जनाको अवस्था गम्भीर रहेको प्रहरीले जनाएको छ। दाङागाउँबाट दशरथपुरतर्फ आउँदै गरेको भे.१ ख ५४० नम्बरको मुस्ताङ जिप उकालो सडकमा आफैँ अनियन्त्रित भई पल्टिएको थियो। दुर्घटनामा चालक लेकबेशी–४ निवासी २३ वर्षीय दिपेश पुनको खुट्टामा सामान्य चोट लागेको छ।