मेरो नेतृत्वको सरकारले अघि बढाएको ऐतिहासिक योजना सञ्चालनमा आएको देख्दा खुसी छु : खनाल

नेपाल कम्युनिष्ट पार्टी (नेकपा)का वरिष्ठ नेता झलनाथ खनालले नागढुङ्गा–सिस्नेखोला सुरुङमार्ग आफ्नो नेतृत्वको सरकारले नीतिगत रूपमा अघि बढाएको ऐतिहासिक आयोजना भएको बताएका छन्।

सुरुङमार्ग सञ्चालनमा आएपछि सामाजिक सञ्जालमार्फत खनालले यस्तो बताएका हुन्। उनले काठमाडौं उपत्यकामा प्रवेश गर्ने र बाहिरिने नागरिकले दशकौँदेखि ट्राफिक जाम र कठिन यात्राको सास्ती भोग्दै आएको उल्लेख गर्दै त्यसको समाधानका लागि दूरदर्शी पूर्वाधार निर्माण आवश्यक ठानेर आफ्नो सरकारले सुरुङमार्गको प्रक्रिया अघि बढाएको बताए।