पहिरो पन्छाएपछि खुल्यो नारायणगढ–मुग्लिन सडक

पहिरोका कारण अवरुद्ध भएको नारायणगढ–मुग्लिन सडकखण्ड करिब चार घण्टापछि पुनः दुईतर्फी सञ्चालनमा आएको छ।

चितवनको इच्छाकामना गाउँपालिका–५ मुग्लिन बजारनजिक मंगलबार बिहान सडक माथिबाट अचानक पहिरो खसेपछि सडक पूर्ण रूपमा अवरुद्ध भएको थियो। बिहान करिब साढे ८ बजे खसेको पहिरोले सडकमा ढुंगा र माटो थुप्रिएपछि दुवैतर्फका सवारीसाधन रोकिएका थिए।