पूर्वपश्चिम राजमार्ग अवरुद्ध, विभिन्न जिल्लामा आन्दोलन चर्कियो

विराटनगर । सुनसरीको देवानगन्ज गाउँपालिका-३ कप्तानगन्जमा प्रहरीको गोली लागेर २५ वर्षीय ओमप्रकाश मेहताको मृत्यु र ९ जना घाइते भएको घटनाको विरोधमा मंगलबार कोशी र मधेश प्रदेशका विभिन्न जिल्लामा आन्दोलन चर्किएको छ।

विराटनगरमा बजार बन्द गराउँदै प्रदर्शन गरिएको छ। हनुमान मन्दिरबाट सुरु भएको जुलुस ट्राफिक चोक र महेन्द्र चोक हुँदै पुनः हनुमान मन्दिरमै पुगेर सकिएको थियो। व्यापारीहरूलाई पसल बन्द गर्न आग्रह गरिएपछि बजारको जनजीवन प्रभावित भएको छ।