अर्थमन्त्री वाग्लेको टिप्पणी : 'प्रधानमन्त्री कार्यालय र ऊर्जा मन्त्रालयमा जस्तो धेरै सल्लाहकार राखेको छैन'

अर्थमन्त्री डा. स्वर्णिम वाग्लेले प्रधानमन्त्री कार्यालय र मन्त्रालयहरूमा अनावश्यक रूपमा सल्लाहकारको ठूलो फौज राख्ने प्रवृत्तिको कडा आलोचना गरेका छन्।

सोमबार अर्थ मन्त्रालयमा आयोजित वार्षिक राजस्व समीक्षा बैठकलाई सम्बोधन गर्दै उनले राज्यको ढुकुटीमाथि अतिरिक्त व्ययभार थप्ने गरी भइरहेका नियुक्तिहरूप्रति असन्तुष्टि व्यक्त गरे। बैठकमा व्यङ्ग्यात्मक टिप्पणी गर्दै अर्थमन्त्री वाग्लेले प्रधानमन्त्री कार्यालयमा २७ जना र ऊर्जा मन्त्रालयमा २० जनासम्म सल्लाहकार रहेको उल्लेख गरे।