भारतले दिएको एम्बुलेन्स वडाध्यक्षले ३ वर्ष ५ महिनासम्म आफूखुसी भाडामा लगाएको खुलासा

काठमाडौँ । धनुषाको विदेह नगरपालिका वडा नं. ५ का तत्कालीन वडाध्यक्ष विजय कुमार यादवले भारत सरकारले उपहारस्वरूप दिएको एम्बुलेन्सलाई ३ वर्ष ५ महिनासम्म निजी सम्पत्ति सरह प्रयोग गरी आफूखुसी भाडा असुलेको खुलासा भएको छ।

भारतीय राजदूतावासबाट वडाबासीको निःशुल्क सेवाका लागि प्राप्त एम्बुलेन्स सरकारी कोषमा दर्ता नगरी भ्रष्टाचार गरेको अभियोगमा अख्तियार दुरुपयोग अनुसन्धान आयोगले यादव विरुद्ध विशेष अदालतमा मुद्दा दायर गरेको छ।