जापानको क्युशु क्षेत्रमा ७.१ म्याग्निच्युडको शक्तिशाली भूकम्प, सुनामीको चेतावनी जारी

टोकियो । जापानको दक्षिणी क्युशु क्षेत्रमा मंगलबार ७ दशमलव १ म्याग्निच्युडको शक्तिशाली भूकम्प गएको छ । भूकम्पपछि जापान मौसम विज्ञान एजेन्सीले करिब १ मिटर अग्ला सुनामीका छाल आउन सक्ने चेतावनी जारी गर्दै सर्वसाधारणलाई समुद्र र तटीय क्षेत्रबाट टाढा रहन आग्रह गरेको छ ।

भूकम्पको केन्द्र दक्षिणी कुमामोतो प्रान्त आसपास रहेको जनाइएको छ । त्यसपछि सरकारले कुमामोतो, नागासाकी, कागोशिमा, फुकुओका, सागा, ओइता र मियाजाकी प्रान्तका लागि आपत्कालीन भूकम्प चेतावनी जारी गरेको छ ।