निर्वाचन आयोगका चुनौतीबारे डा. राजीब सुब्बाको छ प्राथमिकता

काठमाडौँ। निर्वाचन आयोगको निर्वाचन आयुक्त पदका लागि प्रस्तावित डा. राजीब सुब्बाले आगामी निर्वाचन व्यवस्थापनका लागि छ ओटा मुख्य प्राथमिकता तय गरेको बताएका छन्।

मंगलबार संसदीय सुनुवाइ समितिमा भएको सुनुवाइका क्रममा उनले सबैका लागि मतदानको पहुँच र समावेशिता सुनिश्चित गर्ने, निर्वाचनको विश्वसनीयता र पारदर्शिता बढाउने, निर्वाचन व्यवस्थापनलाई दक्ष तथा मितव्ययी बनाउने, समयानुकूल कानुन सुधार गर्ने, सूचना प्रविधिको प्रभावकारी उपयोग गर्ने तथा आयोगको संस्थागत सुदृढीकरणलाई प्राथमिकतामा राखेको बताए।