एम्बुलेन्सको दुरुपयोग गरी १५ लाख भ्रष्टाचार, पूर्व वडाध्यक्षविरुद्ध अदालतमा मुद्दा दायर

धनुषाको विदेह नगरपालिका वडा नम्बर ५ का पूर्व वडाध्यक्ष विजय कुमार यादवमाथि एम्बुलेन्स दुरुपयोग गरी १५ लाखभन्दा बढी भ्रष्टाचार गरेको अभियोगमा विशेष अदालतमा मुद्दा दायर गरिएको छ। अख्तियार दुरुपयोग अनुसन्धान आयोगका अनुसार भारत सरकारको सहयोगमा निःशुल्क उपलब्ध भएको उक्त एम्बुलेन्सलाई वडाको जिन्सी खातामा नचढाई उहाँले आफ्नै नियन्त्रणमा सञ्चालन गर्नुभएको थियो।

साथै, एम्बुलेन्स सञ्चालनबाट भएको आम्दानी, खर्च र लगबुकसमेत स्थानीय तहमा बुझाउनुको सट्टा त्यसलाई निजी सवारीसाधनजस्तै प्रयोग गरिएको अख्तियारको अनुसन्धानबाट खुलेको छ।