एम्बुलेन्स दुरुपयोग गरेको आरोपमा पूर्ववडाध्यक्ष यादवविरुद्ध भ्रष्टाचार मुद्दा दायर

अख्तियार दुरुपयोग अनुसन्धान आयोगले धनुषाको विदेह नगरपालिका–५ का पूर्व वडाध्यक्ष विजय कुमार यादवविरुद्ध सरकारी एम्बुलेन्स दुरुपयोग गरेको आरोपमा विशेष अदालतमा भ्रष्टाचार मुद्दा दायर गरेको छ।

आयोगका अनुसार भारत सरकारको सहयोगमा निःशुल्क प्राप्त एम्बुलेन्स वडावासीलाई सेवा दिन उपलब्ध गराइए पनि त्यसलाई वडा कार्यालयको जिन्सी अभिलेखमा दाखिला नगरिएको र आफ्नै नियन्त्रणमा राखेर सञ्चालन गरिएको पाइएको छ।