प्रस्तावित निर्वाचन आयुक्त सुब्बालाई सभापति श्रेष्ठको प्रश्न, ‘तपाईंको बिदाइको भाषण कस्तो होला?’

काठमाडौँ । राष्ट्रिय स्वतन्त्र पार्टीका सांसद एवं संसदीय सुनुवाइ समितिका सभापति बोधनारायण श्रेष्ठले प्रस्तावित आयुक्त डा. राजीव सुब्बालाई उनको भावी कार्यक्षमता र निष्ठाप्रति लक्षित गर्दै प्रतीकात्मक प्रश्न गरेका छन् ।

मंगलबार संसदीय सुनुवाइ समितिमा प्रस्तावित निर्वाचन आयुक्त डा. सुब्बाको सुनुवाइका क्रममा सभापति श्रेष्ठले उनको कार्यकालपछिको अवकाशको दिनलाई परिकल्पना गर्दै कार्यसम्पादन कस्तो रहला भन्ने जिज्ञासा राखेका हुन् ।