युद्धका कारण इरानको ग्यास उत्पादन क्षमता ठुलो क्षति

तेहरान । अमेरिका र इजरायलसँगको युद्धका कारण इरानले आफ्नो प्राकृतिक ग्यास उत्पादन क्षमतामा ठुलो क्षति बेहोरेको जनाएको छ ।

इरानी सरकारका अनुसार युद्धका कारण देशले करिब २३० मिलियन घनमिटर दैनिक ग्यास उत्पादन क्षमता गुमाएको छ । इरान सरकारकी प्रवक्ता फातेमेह मोहाजेरानीले मंगलबार आयोजित टेलिभिजन पत्रकार सम्मेलनमा उक्त जानकारी दिएकी हुन् । उनका अनुसार युद्धका क्रममा ऊर्जा पूर्वाधारमा भएको क्षतिले ग्यास उत्पादनमा उल्लेखनीय असर परेको छ ।