आयुक्तहरूको कार्ययोजना : प्रविधि र विदेशमा मतदानको एजेन्डा, सांसदका प्रश्न– कसरी पत्याउने ?

काठमाडौँ । संसदीय सुनुवाइ समितिमा निर्वाचन आयुक्तका लागि प्रस्तावित गुरुप्रसाद वाग्ले र डा. राजीव सुब्बाले नेपालको निर्वाचन प्रणालीलाई आमूल परिवर्तन गर्ने महत्त्वाकाङ्क्षी कार्ययोजना प्रस्तुत गरेका छन्।

मंगलबार बसेको समितिको बैठकमा उनीहरूले मुख्यगरी निर्वाचनलाई प्रविधिमैत्री बनाउने, विदेशमा रहेका नेपालीलाई मतदानको अधिकार दिलाउने र निर्वाचन खर्च घटाउने विषयलाई आफ्ना कार्यकालको मूल एजेन्डा बनाएका छन्।