एम्बुलेन्स निजी नियन्त्रणमा राखेको आरोपमा पूर्व वडा अध्यक्षविरुद्ध १५ लाख रुपैयाँको भ्रष्टाचार मुद्दा

काठमाडौं – धनुषाको विदेह नगरपालिका–५ का पूर्व वडा अध्यक्ष विजयकुमार यादवविरुद्ध एम्बुलेन्स सञ्चालनबाट प्राप्त आम्दानी हिनामिना गरेको आरोपमा विशेष अदालतमा भ्रष्टाचार मुद्दा दायर भएको छ।

अख्तियार दुरुपयोग अनुसन्धान आयोगले मंगलबार विशेष अदालत, काठमाडौंमा आरोपपत्र दायर गर्दै भारतीय राजदूतावासको सहयोगमा प्राप्त एम्बुलेन्सलाई सरकारी अभिलेखमा दाखिला नगरी निजी नियन्त्रणमा राखेर सञ्चालन गरेको तथा त्यसबाट प्राप्त आम्दानी सरकारी कोषमा दाखिला नगरेको आरोप लगाएको हो।