‘अयोग्य’ भन्दै पुनर्नियुक्ति रद्द भएका स्वावलम्बनका सीईओ विष्टलाई नहटाउन सर्वोच्चको आदेश

काठमाडौं । सर्वोच्च अदालतले स्वावलम्बन लघुवित्त वित्तीय संस्था लिमिटेडका प्रमुख कार्यकारी अधिकृत (सीईओ) नरेन्द्र सिंह विष्टलाई पदबाट हटाउने निर्णय तत्काल कार्यान्वयन नगर्न अल्पकालीन अन्तरिम आदेश जारी गरेको छ ।

न्यायाधीश विनोद शर्माको एकल इजलासले आइतबार विष्टको पक्षमा यस्तो आदेश दिएको हो । विष्टले नेपाल राष्ट्र बैंक र स्वावलम्बन लघुवित्तलाई विपक्षी बनाएर दायर गरेको उत्प्रेषणको रिटमाथि प्रारम्भिक सुनुवाइ गर्दै अदालतले साउन १८ गतेसम्मका लागि उक्त निर्णय यथास्थितिमा राख्न भनेको छ ।